لێدوانی بەڕێز حسێن یەزدانپەنا بۆ باسنیوز
4/1/2015
pazadik:حسێن یه‌زدان په‌نا: فه‌وجێكمان به پارتیزانى چوونه‌ته ناوداعش تواناى به‌رگرى كردنیان نه‌ماوه
باسنیوز04.01.2015 حسێن یه‌زدان په‌نا جێگرى سه‌رۆكى پارتى ئازادیى كوردستان، ده‌ڵێت: “به‌شێوه‌یه‌كى پارتیزانى بنكه‌و باره‌گاکانى داعشیان بۆردوومان كردووه، له كاتێكدا داعش تواناى به‌رگرى كردن و هێرش كردنیان نه‌ماوه و رووه و شكست چوون”.
“حسێن یه‌زدان په‌نا”، جێگرى سه‌رۆكى پارتى ئازادیى كوردستان، له لێدوانێكدا به (باسنیوز)ى راگه‌یاند: “له ماوه‌ى 24 كاتژمێرى رابردوودا چه‌ندین هێرشیان كردووەته سه‌ر داعش. دوێنێ پاشنیوه‌ڕۆ(3/1/2015)، له به‌رزاییه‌كانى پشت خراپه‌ڕووت، كه به قه‌ڵاى رۆژهه‌ڵات ناوبانگى ده‌ركردووه، سه‌نگه‌رى داعشیان له هه‌ردوو قۆڵى باكوور و باشوورى به‌رزاییه‌كانى گوبه‌یبه و سمایلاوا بۆردومان كردووه. گوتیشى: “هێرشه‌كانمان تا ئێواره ى هه‌مان ڕۆژ به‌رده‌وام بوو، بە هاوه‌نى ئێمه و هاوه‌نى یه‌كه‌ى هێزى پشتیوانیی وه‌زاره‌تى پێشمه‌رگه موشه‌ك بارانى ئه‌و شوێنانه‌مان كردووه”.
گوتیشى: “كاتژمێر هه‌شتى دوێنێ شه‌و له‌دیوى سمایلاوا له دوورى 800 مه‌تر موشه‌كیان له‌سه‌نگه‌ره‌كانى ئێمه‌دا، ئه‌وه‌ش ده‌لیله له‌سه‌ر ئه‌وه‌ى كه هێزێكى وایان نییه هێزه‌كانى ئێمه‌ش به بیكه‌یسى و دۆشكه و‌ڵامیان دانه‌وه”.
ئه‌مرۆش نیوه‌رۆ (4/1/2015)، له ئۆپه‌راسیۆنێكى هاوبه‌شى پارتى ئازادیى كوردستان و هێزى پشتیوانى یه‌كى وه‌زاره‌تى پێشمه‌رگه له گوبه‌یبه‌به چه‌كى قورس له نزیكه‌وه له باره‌گاى داعشماندا سێ كه‌سیان تێدا كوژراوون .
ده‌شڵێت: “داعش تواناى به‌رگرى كردن و هێرشكردنیان نه‌ماوه، له كاتێكدا چه‌ك و ته‌قه‌مه‌نییان كه‌م بۆته‌وه، چالاكیی ئه‌وان ئه‌وه‌یه كه له دوورى 800 مه‌تر هاوه‌نێكیان وه‌شاندووه كه خۆشبه‌ختانه سه‌ركه‌وتوو نه‌بوون، ئه‌مڕۆش(4/1/2015)، 30 پێشمه‌رگه‌ى ئێمه به‌نهێنى جوڵاون رۆیشتوون تا نزیك گوبه‌یبه گه‌یشتونه‌ته نزیكه‌ى 700 مه‌ترێكى مۆڵگه‌ى داعش، كه دۆشكه و هاوه‌نیان لێداوه، داعش تا شوێنه‌كانیان نه‌سووتاوه ئاگایان له خۆیان نه‌بووه”.
دواى ئه‌و كاره‌ساته‌ش به‌سه‌ریان هاتووه، هیچ هێرشێكیان ئه‌نجام نه‌داوه و فه‌له‌ج بوونێكیان پێوه دیاره .
|