باسنیوز: فەرماندەیەکی هێزی پێشمەرگەی کوردستان ئاماژە بەوە دەکات کە بڕیاری هەڵکردنی ئاڵای کوردستان لە شاری کەرکووک دەرەنجامی ئەو هەنگاوانەیە کە چەند ساڵە پێشمەرگە لەو شارە قوربانی دەدات و بە فەرمیش پێشمەرگە لە محیوەرەکانەوە ئاڵاکەی بەرز کردەوە.

حوسێن یەزدانپەنا، فەرماندەی هێزی پێشمەرگە کە پێشووتر لە محیوەری باشووری ڕۆژئاوای کەرکووک بوو بۆ (باسنیوز) گوتی: "بڕیاری هەڵکردنی ئاڵای کوردستان لە کەرکووک هەنگاوێکی ئازایانەی مێژووییە، نەک لەبەر هەڵکردنی ئاڵا کەرکووک ناسنامەی ببێتە کوردستانی، نەخێر بەبێ ئەوە کوردستانیبوونی کەرکووک قسەی لەسەر نییە، پێشووتر لە کەرکووک خەڵکی نەتەوەخواز لایەن و حزبی و نەتەوەیی کوردستان ئاڵایان لەسەر بارەگا و ماڵەکان و شەقامەکان هەبووە."

ئەو فەرماندەیەی هێزی پێشمەرگە گوتیشی: "ئەوە سێ ساڵە دوای ئەوەی پێشمەرگە لەگەڵ تێکشکاندنی داعش ئامانجی دیکەی پێکاوە، گەڕانەوەی ڕووبەری زۆری خاکی تەعریبکراوی کوردستان دووەم هەڵکردنی ئاڵای کوردستان لە هەر بستە خاکێک گەڕاندوویەتییەوە، سێیەم بە تێکدانی پەیمانی سایکس پیکۆ پێشمەرگە لە هەڵکردنی ئڵای کوردستان و خاکی کوردستان پێشڕەو بووە، ئەو کارەی پارێزگای کەرکووک کردوویەتی تەواوکەری هەنگاوەکانی پێشمەرگەیە سەرکەوتنی پێشمەرگە ئەو بڕیارەی لێ کەوتەوە".

گوتیشی: "پێشمەرگە بە فەرمی ئاڵای کوردستانی بە خوێن لە کەرکووکدا هەڵکرد و پارێزگای کەرکووکیش بە یاسایی کرد.