یەزدانپەنا: نابێ هیچ حزبێك سەروەریی پارچەیەكی تری كوردستان پێشێل بكات
13/3/2017
باسنیوز: حوسێن یەزدان پەنا فەرماندەی پێشمەرگەی پارتی ئازادیی كوردستان رایگەیاند دەبێت هەر حزبێك لە سنووری خۆی چالاكی بكات و زیان گەیاندن و پێشێلكردنی سەروەریی پارچەیەكی دیكەی كوردستان قبووڵ ناكرێ.
حوسێن یەزادن پەنا لە كۆنگرەیەكی رۆژنامەوانیدا رایگەیاند كە شەڕی خۆبەخۆی كورد مەحكوم دەكات، ئەوان پێداگری لەسەر ئەوە دەكەنەوە كە هێزەكانی هەر پارچەیەكی كوردستان بۆ خۆیان دەبێ نوێنەرایەتیی بەرژەوەندی و ئەجێندای سیاسی ئەو پارچەیەی كوردستان بكەن.
فەرماندەی هێزی پێشمەرگەی پارتی ئازادیی كوردستان گوتیشی دروست نییە كە هێزی هیچ پارچەیەكی كوردستان دەستێوەردان لە كاروبار و چارەنووسی پارچەیەكی دیكەی كوردستان بكات.
|