ئەمڕۆ ٣٠ گوڵانی ٢٧١٧ کوردی، بیست و شەش ساڵ بە سەر دامەزرانی پارتی ئازادیی کوردستاندا تێپەڕی.
پێویستیی وفەلسفەی دامەزرانی پارتی ئازادیی کوردستان، گەڕاندنەوەی جووڵانەوەی سیاسی کوردستان بۆ رەسەنایەتی لە ناسنامە، ئامانج، ئاڵا و هێما و ئەدەبیات و پڕۆژەی سیاسیی بوو.
ئا بەم فەلسەفەیەوە بوو کە پارتی ئازادیی کوردستان، ٢٦ ساڵە ئاڵای کوردستان و کوردستان تەوەریی دەشەکێنێتەوە،؛ خوێندنەوەی ئێرانچیانە لە دەوڵەتی جمهوری کوردستان رەت دەکاتەوە؛ بەربەرەکانێی فیکری و پراکتیکی لە گەڵ بیر و سیاسەت و هێزی ئێرانچی دەکا؛ حەولی دێموکراتیزەکردنی دەوڵەتی داگیرکەر و چارەسەریی پرسی کورد لە چوارچێوەی ئێراندا، لە لایان کوردەوە بە بێ ئاکام و هەدەردانی وزەی کورد دادەنێ و خوێن و خەباتی لە پێناو کۆتاییهێنان بە سەروەریی تاران لە سەر کوردستان و هەڵتەکاندنی تەوقی سنوورە دەسکردەکان و گەیشتن بە سەربەخۆیی و دەوڵەتی نەتەوەییە.
ئەمڕۆ پاش ٢٦ ساڵ خەبات و قوربانیدان، سەرەڕای بەربەستی زۆر و کەڵەکەبوونی کولتوری سیاسیی ئێرانچێتی لە کوردستان ، شەقڵی پارتی ئازادیی کوردستان بە بزووتنەوەی رزگاریخوازیی رۆژهەڵاتی کوردستانەوە دیارەو بووەتە چرایەکی پڕ هیوای کوردایەتی لە رۆژهەڵاتی نیشتمان.
سڵاو لە دامەزرێنەری شەهیدی پارتی ئازادیی کوردستان، رچەشکێنی رێبازی ئازادیی و سەربەخۆیی
شەکاوە بێ ئاڵای خەباتی پارتی ئازادیی کوردستان لە پێناو دەوڵەت و سەربەخۆیی کوردستاندا
پارتی ئازادیی کوردستانPAK
کۆمیتەی ناوەندیی
٣٠ گوڵانی ٢٧١٧
٢٠ مای ٢٠١٧