پەشۆکاوی ئەمجارەی ئێران بۆدابەشبوونیەتی

هەرچەند سەرەتای دەستپێکردنەوەی خەباتی چەکداری رۆژهەڵاتی کوردستانە و ئێستا نەگەیوەتە ئاستی بەربڵاوی شارەکان و ڕاسانی سەراسەری، بەڵام بەم چەند کردەوە بوێرانەی پیشمەرگەکانی رۆژهەڵات لەناوقوڵایی وڵاتدا حکومەتی ئێران بەجارێک شێواوەو هەر رۆژەی بەرپرسێک بەشێوەیەک هەڕەشە دەکات و هەر جارێی وڵاتێک تاوانبار دەکەن بە یارمەتیدانی حزبەکوردییەکان بۆ بشێوی نانەوە لە ناو ئێران وبەتایبەت ناوچەکوردستانیەکان ، دیارە ئەو ئێرانەی ئەوان باسی دەکەن فرە نەتەوەو بە شێوەیەکیش فرەوڵاتەو بەهێزی سەربازی دەوڵەت نەتەوەیی پێکەوە لکاوە و تەنیا نەتەوەی فارس تەیدا دەسەڵاتدارەو حوکمی ئاینی وزبان و کەلتور دەکات و نەتەوەکانیتر تەنانەت بە ئازەریەکانیشەوە بە شارۆمەندی دەرەجە دوو ئەژمار دەکرێن و هەڵبژاردنەکانی پەرلەمانی وهەمو جومگەکانی دەسەلات ڕوکەش و فۆڕمالیتەیە .

لەدووای ساڵانێک ،کاتێ ڕۆژهەڵات و مەشخەڵی خەبات سەری هەڵدایەوە بۆخۆی دەزانێ کوێی دێشێ وبەلە دەست دانی لەخۆبایی بوونەکەی کە پەی وابوو لە ناو گێژاوی ڕوداوەکانی رۆژهەڵاتی ناوەڕاستدا دوورگەیەکی ئارام و سەقامگیری بونیادناوە لەی دەڕوخێت و باوی ملهوڕیەکەی دەچێتە ژێر پرسیارەوە وئاواتەکانی دەبێتە تراویلکە . هەربۆیەش بە تاوانبارکردنی ولاتانی زلهێز و ناوچەیی وەک سعودیاو ئیسرائیل بۆ یارمەتیدانی کوردانی رۆژهەڵاتی دەیەوێ وەک سەرەتای شۆڕشی گەلانی ئێران حوکمێکی تری جیهاد و سیاسەتی تاوان وتۆقاندن پەیڕەوبکاتەوەو بە ملیتاریزەکردنی زیاتری رۆژهەلات هەرجوڵانەوەیەکی جەماوەری پێوەند بداتەوە بەپشتیوانی وڵاتانو بەتاوانی سیخوڕی لاوەکان بخاتەژێر پەتی سێدارەوە وەک تا ئێستا کردوویەتی .بەڵام خاڵی جەوهەری کە سیاسەتمەدارانی ئێران لەی ئاگادارن ستراتیژ وپلانەکانی دووای سەتساڵەی سایکس پیکۆ و پەیمانی شومی لۆزانە بۆ دابەشبوونەوەی دووبارەی رۆژهەلاتی ناوەڕاست کە ئێرانیش لەی بێبەری نییەو ئیتر باوی دەسەڵاتی نەتەوەیی باڵادەست لەسیاسەتدا کارتێکی سووتاوە و ئەوروپاو ئەمەریکاش خۆیان پێوەی دەناڵێنن ، دیارە کورد لەم پلانانەدا ڕۆڵی سەرەکی دەگێڕێو وەک گەورەترین نەتەوەیی بێدەوڵەت کاریگەری لە پرۆژەکەدا هەیە ، هەربۆیەش کاتێک ئێران لە سیاسەتی سەرۆک بارزانی تێگەیشت بۆ دامەزراندنی دەوڵەتی کوردستان ، ویستی پێش بەڕوخانی ڕەژیمی ئەسەد لە سوریابگرێت ، دوواتر بۆ دەرچوون لەقەیرانی سوریا بەچەند پیلانی تایبەت هەمو ئەوچەک وچۆڵانەی لەماوەی ئەم چەند ساڵەدا ئەمەریکا بۆ سپای داوەشاوی عێراقی دابین کردبوو لە ڕێگای نوری مالکیەوە ڕادەستی هێزەکانی تیرۆریستی داعش کرا ،دوواتر بەبەهانەی پاراستی حەرەمەکانی شیعە زیاتر لە عێراقدا ڕەگاژۆی کرد و ویستی عێراقی یەکپارچە بێڵیتەوەو پێش بە دامەزراندنی دەوڵەتی کوردستان بگرێ کە بەداخەوە هەندێک لایەنی ناوخۆی باشوور لەبەر بەرژەوەندی حزبی وبنەماڵەیی خۆیان هاودەنگی گێرانەوەی ئەمارەتەکان کردوو دەوڵەتیان بۆ کوردی هەژار بەدوواکەوتویی لەقەڵەمدا ، ئەوکاتەش کە هێزی پێشمەرگەی رۆژهەڵات لە نەورۆزدا پەیامی سەرهەڵدانەوەی نوێی چەکداری ڕاگەیاند ئێران بەهەندی وەرنەگرت و پەیوابوو حکومەتی هەرێمی کوردستان ڕێگریان لێدەکات وبەرژەوەندی ئێران دەپارێزرێ ، بەڵام هەرێمی کوردستان کاتێک وەک حکومەتێکی دیفاکتۆ هاتەئەژمار، کوردانی رۆژهەڵات بەشیوەیەکی دڵنیایی لە پاراستنی هەرێم ،میلی خەباتیان گۆڕیو نەیانویست لە کاروانی ئاڵوگۆڕە ناوچەیی وجیهانیەکان دوواکەون و بکەونە بەر نەفرەتی مێژوو . بەڵام ئەوەی بەیەکجاری حکومەتی ئێرانی توشی شۆک کرد واژۆی ڕێکەوتەنامەسەربازیە مێژوویەکەی هەرێمی باشووری کوردستان و ئەمریکا بووکە بە بەشداری ڕاستەوخۆی سەرۆک بارزانی هاتەئاراوەو دڵنیایی پاراستنی هەرێم مسۆگەربوو ، ئێستاش ئەوخەونەی کە ئێران خۆی لێ دەدزییەوە والەی بەڕاست گەڕاوەو دەزانێ کورد لە ڕۆژهەڵاتیش دەبێتە هۆکاری سەرەکی و باڵانسی هێز بۆ بەرێوەبردنی دابەشبوونی ئێران ، چونکە کوردلە ئێراندا سی ساڵە دژی حکەمەتی مەرکەزی وئاخوندەکانی تارانەو، لەبوواری فەرهەنگی سیاسیشەوە سی ساڵ لەپێشگەڵانی تری ئێرانە ، هەربۆیەش کاریگەری لە سەر گەلی بەلوچ وئازەری و عەرەب دەبێت وناوخۆی بەجارێک لێ شپرزە دەبێت و ئێرانی پارسی تەنیا لە ناوەڕاستی ئەوڕۆیەوە تا سەروی مازەندەران دمێنێتەوە ، بۆیە ئێران توشی شۆک بووەو نایەوێ دەست لەهیچ کردەوەیەک بپارێزێ و زەندەقی لە خەباتی چەکداری چووە . شەماڵ بۆکانی