لە لایەکی دیکەوە، پەرتی ئازادیی کوردستان کە تاکە حیزبی خاوەن سیاسەتی نەتەوەییە لە رۆژهەڵاتی کوردستان و کوردستان بە یەک نیشتمان و کورد بە یەک نەتەوە دەزانێ (2+2=1)، بۆ سەلماندنی دروستیی سیاسەتەکەی، لەگەڵ دروسبوونی هەڕەشە بۆسەر باشووری کوردستان، زۆر زوو هێزەکانی رێکخست و بەرەو بەهێزترین مێحوەری شەڕ لە موسڵ رۆیشت و لە چەند رۆژی یەکەمی بەشداریدا و خوڵقاندنی چەندین قارەمانێیەتی، PAK و پێشمەرگەکانی بوونە جێی گرینگیدانی فەرماندەکانی وەزارەتی پێشمەرگە، بە شێویەک کە داخوازیی لەسەر مانەوە و جێگیر بوونی هێزەکانی پارتی ئازادیی کوردستان، لە مێحوەر جیاوازەکان زیادی دەکرد.
تەنانەت لە کاتی هێرشی داعش بۆ سەر رۆژاوای کوردستان، PAK ئامادەیی خۆی بۆ ناردنی هێز بۆ پشتگیری و پاراستنی رۆژاوای کوردستان بەگشتی و کۆبانی بە تایبەتی دەربڕی.
لە ماوەیەدا زۆربەی حیزبەکانی رۆژهەڵاتی کوردستان بەرەو جەنگ رێکەوتن، بەڵام زۆر زوو کشانەوە بۆ بنکەکانیان، تەنیا پارت کە لە شەڕ مایەوە پارتی ئازادیی کوردستانە. مانەوەی پارتی ئازادیی کوردستان لەم شەڕە نێودەڵەتییەدا، لە لایان ئەندامانی حیزبەکانی دیکەوە قسەی زۆری لەسەر ئەکرێ و بە پشتگیریی پارتی دیمۆکراتی کوردستانی دەزانن، بەڵام لێرەوە جارێکی دیکە ئەوەیان پێدەڵێمەوە کە:
ـ پارتی ئازادیی کوردستان خاوەن سیاسەتی روون و ئاشکرا و سەربەخۆی خۆیەتی و هەرگیز بۆ بەرەو پێشچوونی پشت بە هیچ هێز و لایەنێک نابەستێ.
ـ پارتی ئازادیی کوردستان بە کردەوە سەلماندی کە مانەوەی پێویستییەکە و لە هەر مێحوەرێکدا بێ ئەو مێحوەرە پۆڵایینە و لە شکان نەهاتووە.
ـ پارتی پارتی ئازادیی کوردستان لەو دووساڵەدا، گەشەی سەربازیی زۆری بە خۆیەوە بینیوە و بۆ گەڕانەوە بەرەو رۆژهەڵات، هێزیکی تۆکمەی ئاکادیمیی هەیە.
بۆیە، لێرەوە دوو ساڵەی خۆڕاگری و بەرگریی پارتی ئازادیی کوردستان لە خەڵک و خاکی باشووری کوردستان، لە گشت ریزەکانی پارتی ئازادیی کوردستان پیرۆز بێت، شەهیدانمان سەربەرزن چونکە رێگایان درێژەی هەیە، بریندارەکانمان دڵخۆشن چونکە خاوەن پارتێکی نەتەوەیین.
سڵاوی رێز و وەفا بۆ شەهیدانی پارتی ئازادیی کوردستان و کوردستانی گەورە.