28 خه‌رمانان تێرۆری ئاڵاهه‌ڵگری ئازادیی و سه‌ربه‌خۆیی کوردستان سه‌عید یه‌زدانپه‌نا
17/9/2016
ئەفشار ئەقدەسی
تێرۆری رۆڵه‌ی هه‌ڵکه‌وتووی کورد، پێشمه‌رگه و سه‌رکرده‌ی لێوه‌شاوه‌ی رێبازی ئازادی و سه‌ربه‌خۆیی کوردستان، داهێنه‌ری چه‌مکه نوێیه‌کان، دامه‌زرێنه‌ری پارتی ئازادیی کوردستان (یه‌کێتی شۆڕشگێڕانی کوردستانی پێشوو)، کاک سه‌عید یه‌زدانپه‌نا . شه‌هیدی سه‌رکرده‌و رێبه‌ری نه‌ته‌وه‌یی کورد کاک سه‌عید یه‌زدانپه‌نا، به دامه‌زراندنی هێزێکی ته‌واو کوردستانی و سه‌ربه‌خۆ خواز که راماڵینی هێزی داگیرکه‌ری له کوردستان و پێکهێنانی ده‌وڵه‌تی کوردی ئامانجی سه‌ره‌کییه‌تی گۆڕانێکی گه‌روره‌و بنه‌ڕه‌تی له فکری تاکی کوردا پێکهێنا، بیری پیرۆزی نه‌ته‌وایه‌تی و ئامانجی ڕه‌وای سه‌روه‌ریی و به ده‌وڵه‌تبوونی کورد، کاک سه‌عیدی هێنابووه سه‌ر ئه‌و قه‌ناعه‌ته که رێکخراوێکی کوردستانی دامه‌زرێنێ و بۆ عه‌مه‌لیی کردنی ئه‌و فکره چاوه‌ڕێی ده‌رفه‌تی سیاسیی بوو. له سه‌ره‌تاکانی ساڵی 1991ه‌وه که‌وته جموجوڵ بۆ دامه‌زراندنی ئه‌و رێکخراوه سیاسییه‌ی بیری لێده‌کرده‌وه. سه‌ره‌نجام پاش چه‌ن مانگیک ئاماده‌کاریی، له سه‌رکردایه‌تی ژماره‌یه‌ک له هه‌ڤاڵ و هاوسه‌نگه‌رانیدا پارتی ئازادیی کوردستانی بۆ خه‌باتی ئازادییبه‌خشی نه‌ته‌وه‌یی دامه‌زراند؛ له‌سه‌ر په‌یمانی کوردایه‌تی سوورن و ئاڵای ئاواته‌کانی سه‌عید و سه‌ردارانی نه‌مری نه‌ته‌وه‌که‌مانیان، شه‌کاوه راگرتووه. سڵاو له سه‌ر قافڵه‌ی شه‌هیدانی پارتی ئازادیی کوردستان سڵاو له سه‌رجه‌م شه‌هیدانی بزووتنه‌وه‌ی رزگاریخوازیی نه‌ته‌وه‌ی کورد
|