هۆکارەکانی هێڕشی ڕاگەیاندن بۆ سەر پارتی ئازادیی کوردستان { pak }بەشی یەکەم

بەشی یەکەم : شەماڵ بۆکانی

پێوەری سەرەکی بۆ شکست پێهێنانی پلانی بەرانبەر و نەیار لە هەموو دەزگای پاراستنی وڵاتاندا ، دزەکردنی سیخوڕە بۆچووار ناوەندی جیاواز وەک شوێن پشوی سەربازی ، ڕاگەیاندن ، کۆمیتە سیاسی ، پاشان سەرکردایەتی . بەلەبەرچاوگرتنی ئەم پێوەرە لە فەلسەفەی بەرێوەبردندا ، کاتێک لایەنی دووهەم توانی پێش بەم یاسایە بگرێت واتە ئەم خاڵانەی ڕەچاوکردووە ، یەکەم: دژەسیخوڕی ناو سەربازگە نازاندرێ کێیە ، دووهەم: ئەندامانی ڕاگەیاندن لە خەتی ئازادەوە سەرچاوەدەگرن جیا لە ڕاگەیاندنی فەرمی حزبی ، سێهەم : ئەندامانی کۆمیتە سیاسی بەشێکیان نازاندرێ کێن ، چووارەم : سەرکردایەتی بەڵگەکانی ستراتژیک لە هەردوک بوواری سیاسەتی درێژ خایەن وکورتخایەن جیا لە پەیرەوی ناوخۆیی و ئەساسنامەی حزبی زەق ناکاتەوە ، دەستەی دارێژەر لە هەمانکاتدا لەناو پەیکەرەی حزبیدان بەناوی نهێنی بڕیار دەدەن ویەکتریش ناناسن ، واتە تەنیا سەرکردەوجێگری سەرکردە دەیانناسن . بوواری ماڵی و داهاتی حزبی بۆ بەشی دژەسیخوڕی ڕەقەمی ڕوونی بۆ دیاری ناکرێت و ئابووری ناسی بەهێز کار بۆ داهاتی حزبی دەکات کە ڕەنگە هیچ پێوەندی بە سیاسەتی حزبیشەوە نەبێت . ئەمانە دبنە هۆکاری شڵەژانی دەزگا سیخوڕیەکان بۆ وێنە وەک ئێستای دەزگای ئیتلاعاتی ئێران بەرانبەر بە پارتی ئازادیی کوردستان { پاک } هەر بۆیەش بەشی دوهەمی پرۆژەی سیخوڕی لە دەزگای ئیعلانەوە گەشەدەکات و لەسەردەمی وەک ئەمرۆشدا کە سوشیال میدیا رۆڵی چەند چرکەیی دەبینێت سیاسەتی خۆی پێ بەرێوە دەبات ، ئامانجیش ئەوەیە بە ناوزڕاندن وتەشهیرو چەواشەکاری دەیانەوێ هەستی کاتی بەشێک لە ئەندامان هەڵخڕێنن کە هەندێک ووردەبۆچوونی کە تەنیا دەزگا ئیتلاعاتیەکان بەلایانەوە گرینگە بیدرکێنن کە زۆربەی ئەم زانیاریانە لە لای خەڵکی ئاسایی هەر بەهیچ وەرناگیرێن . بەم روونکردنەوە بۆمان دەردەکەوێ کاتێک لە دووای پەیامی سەرکردایەتی پارتی ئازادیی کوردستان لە نەورۆزی ئەمساڵدا دورگەی ئەمنی و وەهمی تاران ڕوخاو رۆڵەکانی گیان لەسەردەستی { پاک } لەناوخۆی وڵاتدا لە چەندین شاری جیاوازی ڕۆژهەلاتی کوردستان زەبریان لە داگیرکەران وەشاند وخۆشیان بەبێ زیان بوون و ئێستاش بەردەوامن ،، دوژمن وەک گای هار سەری بە هەموو کەلێنێک داکرد تا بزانێ چۆن ولەکوێ وکێن و لەکوێ حاشار دراوون ، ئەوکات کەنائومێدی باڵی بە سەر کێشان ، هونەری چەواشەکاری ڕاگەیاندن کەوتە بوواری جێبەجێکردن کە بەداخەوە بەشێک لە لایەن و سیاسیانی دانیشتوی ناوکەمپەکانی باشووری کوردستان وبەشێکیش لە نوسەرانو بەرێوەبەرانی ماڵپەڕەکانی ئەوروپا نشینی گرتەوەو بەناوی ئازادی ومافی ڕەوای مرۆڤایەتیەوە بەکەڵک وەرگرتن لە ماڵپەڕەکانی کۆماری سێدارە لە شێوەیی { دیار ونادیار } و{ ڕەجا نیوز } و { ئەنتی بیگلەرەکان } و بەشێکیش وەک ماڵپەڕی کوردانە کە بە کردانە نوسراوە ببنە هاوبەشی ئەم سیاسەتی قیزە ونەی کە لەدووای بیست وچەندساڵ حەوانەوەو پاراستن لە دەستی ڕەژیمی کۆنە پەرەستی تیوکراسی توتالیتەری تاران ئیهانە بە پارتی دیموکرات و بنەماڵەی بارزانی بکەن کە گۆیاپارتی ئازادیی کوردستان { پاک } لۆمپەنی بۆ دەسەڵاتی پارتی و بنەماڵەی بارزانی دەکەن، کە دیارە ئەم ماستە بێ موو نییەو بەپێی یاسا دەبێت وڵامدەری ئەم ئیهانەکردنە بن .

بەشی یەکەم لە یاسای نهێنی فەلسەفە سیاسیەکان کۆتایی پێدینم و لە بەشی دوهەمدا باس لە کارتێکەری نگەتیڤی ئەم بۆچوونانە لە بووارەکانی سیاسەتی هەرێمی و جیهانی دەکەم کە پارتی ئازادیی کوردستان بەشێک دەبێت لە هێزی سەرەکی لە دووباڵی سەربازی و سیاسەتی دیپلۆماسیدا بۆ داهاتوی رۆژهەڵاتی کوردستان .

شەماڵ بۆکانی