لە بەشی یەکەم تواناو پلانی دژە سیخوڕی پارتی ئازادیی کوردستانمان وەک بەشێکی سەرکەوتوو تاوتوێ کرد و ئاماژەمان بەوەدا لە ناچاری بە چەواشەکاری ڕاگەیاندن کۆماری تیرۆریستی نێودەوڵەتی ئێران دەیەوێ سەرەداوەکان بدۆزێتەوە . لەم بەشەدا دەپڕژێینە سەردووتەوەری پلانی کرداری لە بەشی دیاردەی دیپلۆماسیەتی مانیفێستی و پیلانی نەیار لە شێوەی کەمکردنەوەی هێزی فیزیکیدا کە دەتوانێ تێکدەری باڵانسی دارشتنی گەڵاڵەکانی سیاسی نیزامی ( pak) بێت لە داهاتوودا .
وەک بەرچاوە پارتی ئازادیی کوردستان لە هەلقۆستنەوەی ڕووداوە سیاسیەکانی ناوچەو بەشداری شەڕی دژی تاریکپەرەستانی داعش، سەرەڕای ئەوەی ئەرکێکی مێژوویی و نیشتمانی خستە بوواری جێبەجێکردنەوە توانی هونەری سیاسەتی کرداری و دیپلۆماسیەت پێکەوە گرێ بدات و بەئاشنا بوونی کەسایەتیەکانی سیاسی ونیزامی جیهانی هەنگاوێکی بەهێز هەڵبگرێ ، وەک پێشتر ئاماژەم پێداوە پارتی ئازادیی کوردستان بە بێ لۆبی توانی ناوەندەکانی پڕیاری جیهانی بێنێتە سەر ئەو باوەڕەی کورد لە رۆژهەڵاتی کوردستان وەک ئێستای باشوور دەتوانێ ببێتە جەمسەرێکی بەهێزی دژی تیرۆریزمی جیهانی و ئاسایشی نێودەوڵەتی لەم سنورە دەستکردانەوە بپارێزێ ، بەتێبینی لەم هەنگاوە بۆمان ڕوون دەبێتەوە لە پاشەڕۆژدا ناوی تیررۆر و تیرۆریست ناتوانێ جێ بەخەباتی ڕەوای گەل لێژ بکات وکۆماری ئیسلامی دەسرەچەورەکەی تیرۆر بەکورد بسڕێ کە ئەم سەرکەوتنە وەک دەزانن بۆ نەتەوەی کورد لە رۆژهەڵاتە نەک تەنیا بۆ ( pak ) ، واتە تاوویاوی سەرەکی لە ڕەوەندی دووارۆژە کە کۆماری تیوکراسی ئێران زراوی لەی تۆقیوەو پەی وا نەبوو خاڵەکانی دارێژەی مانیفێست وپەیڕەوو پرۆگرامی پارتێکی نەتەوەیی و دارێژەری بیرۆکەی دەوڵەتی کوردستان بگاتە قۆناغێک دەوڵەتان سەرسامی بن و وەک هاوپەیمانێک لەی بڕوانن ، چونکە لە پرۆگرامی ئاسمیلەکردنی نەتەوەکانی ناو ئیرانی درۆییندا نەتەوەیان وەک عەشیرە ناو دەبرد ولە ژێر چەتری فکری شارستانیەتی تایبەت بە خۆیاندا ئەم هەستەیان بەرەو مردن دەبرد و کرماشان و ئیلام ولەکستانیان بەرەو ئەم قۆناغە پەلکێش دەکرد ، بەڵام لە هەڵوێستێکی کرداری وسیاسی جوامێرانەی پارتی ئازادیی کوردستان ( pak) دا ڕیسەکەیان لی بۆوە بەخوری و رۆلەکانی کوردی ئەم ناوچانەی کورستان هەرهەمان ڕۆڵەی بۆکان ومهاباد و سنەوهەموو شارولادێکانی تری کوردستان دەرچوون و ئاڵای نەتەوەییان کردە هەوێنی کەم ژیان وکەڵ ژیان .
هەربۆیەش کاتێک لە سیاسەتی راگەیاندن شکستی هێنا ، کۆماری دیکتاتۆری ئایینی کەوتە پلانی ڕاستەرێی وەعدەو وەعیدی پارەیی ودابینکردنی خۆشگوزەرانی لەڕێی سۆشیال میدیاوە لە کەناڵەکانی تێلگرامو وایبەر وسکایپ ونامەی فەیسبووکی و ئیمۆو بە تەلەفۆنی ڕاستەوخۆوە پێوەندی بە ئەندامان و پێشمەرگەکانی پارتی ئازادیی کوردستانەوە بگرێ و لە رێبازی پیرۆز لایان بدات کە لە نەبوونی هێزی نیزامی تۆکمەدا باڵانسەکان لەم هەلومەرجەدا تێکچوونیان بەسەردادێت ، هەر بۆیەش لەم بووارەدا وەک دەلێن مشت نمونەیە لە خەروارێک ، یەک دوو بەڵگە بە وێنە دەخەینە ڕوو ، کە دیارە بەشی دەنگی و نامەکانی تایبەتی دەستی و گوشار بۆ سەر بنەمالەکانیش وەک بەشی ئەمنی پاراستنی حزبی بۆ رۆژی خۆی ئەرشیڤ دەکرێت و لەشوێنی تایبەتی وێڕای بەڵگەکانی تری تیرۆرەکان کە پوچەڵ کراونەتەوە دەخەینە ڕوو .
لە بەشی سێهەمدا ئایین وئایینزاکان لە ناونەتەوەیی کوردا بۆ قۆناغی دووا پیلانی قیزەونی کۆماری سیدارە دەخەمە ڕوو .
شەماڵ بۆکانی 30/9/2016