کەسێک دەبێ شیکاری لەسەر لایەنێک بکات کەخۆی سەربەخۆبێ لە شێوەی ئایدیایی و پاشخانێکی سافی هەبێت
خوێنەرانی هێژا ئاگادارن چەند رۆژ لەمەوبەر [بی بی سی ]فارسی هەواڵێکی لە زمان هەواڵنێری ڕویتەرزەوە بڵاوکردەوە کە نوسیبوی زیاتر لە 200 ئافرەتی ئێرانی لە ڕیزەکانی پارتی ئازادیی کوردستاندا لە شەڕی دژ بە داعشدا بەشدارن ، ئەم ڕاگەیاندنە زانستیانە لە کاتێکدایە کە ئایەتوڵڵا [بی بی سی] باش دەزانێ کە مانیفێست و پەیڕەوو پرۆگرامی pak پێداگری دەکات لە دامەزراندنی دەوڵەتی کوردستان و خۆی نە بە ئێرانی و نەبە هیچ شارومەندێکی وڵاتێکیتر جیا لە کوردستان پێناسە ناکات ، دیارەهەڵوێستم لە سەرگرت و لەبەرچاومان سیاسەتی هونەری چەواشەکاری ڕاگەیاندن ئاوا بە سانایی تێپەڕ نابێت ، بەڵام وەک ئێوەی خوێنەری بەڕێز ئاگادارن *بی بی سی* بەوە نەوەستاو ، کاک هێمن سەیدی ڕاسپاردکە هێرشی ناڕەوا بکاتە سەر پارتی ئازادیی کوردستان و ئامارو داتاکانی هەواڵنێران وەدرۆ خاتەوە ، هەربۆیە لە پێشدا بە نامەی تایبەت و دوواتر بەکۆمێنتێک ئەم دەقەی خووارەوەم ئاراستەکرد و چاوەڕێی وڵامی بەڕێزیان بووم کەچی لە جیات وڵام بلۆکی کردم ، ئەمە دەقی کۆمێنتەکە .
کاک هێمن ، یەکەم ، ڕێکلامی سیاسی لە دو شێوەی کرداری و تیوریک حەقی هەرپارتێکی سیاسیە ، دووهەم لەمێژوو بڕوانی شەڕی ڕەوانی بەشێکە لەو جەبهەیەی کە ناڕاستەوخۆ باری سایکۆۆژیای نەیار دەشێوێنی ، سێهەم کەسێک دەبێ شیکاری لەسەر لایەنێک بکات کەخۆی سەربەخۆبێ لە شێوەی ئایدیایی و پاشخانێکی سافی هەبێت . بەڕێزتان شاراوە نییە کە سەر بە پەکەکە ن و پەکەکەش وەک خۆت باش دەزانی ئێستا حزبێکی مافیای گۆپاڵدەستی ئێرانەو پیلانەکانی باڵی ئایدیای شیعیزم دەبات بەڕێوە کە دڵنیام لە داهاتودا توشی کێشەی قوڵتر دەبێت لە گەڵ هەرێمی کوردستان ، هەربۆیەش ئاساییە بەڕێزت ئاماژه بە چەواشەکاریەکانی ئەوان نەکەی کە لە ژێر دروشمی کوردستانی گەورەدا بەڵام بە باوەڕی چەپێکی مافیایی لە قەندیل سەدان ڕۆڵەی کوردتان بە کوشتن داو دواتریش بوونە داردەستی ئێران کە هەموو بەڵگەکان لەسەرتان ئاشکران و بە کۆپتەری سپای پاسداران خۆراک و داو دەرمانیان بۆ دەهاتە قەندیل، بەڵام جیا لە رویتەرز باش دەزانی بەڕێوەبەرانی* بی بی سی* فارسی لەکوێوە بەخێو دەکرێن و خۆشت لەوێوە بەڕێ دەچی ، ئەوان هەر ئەوکەسانەن لە هەڵبژاردنەکانی ئێراندا بە ئاڵای ئێرانەوە چوون بۆ دەنگدان ، بۆیەش بەلامەوە سەیر نییە ئاوا شیکاری بکەی . نامەوێ بێرێزی بکەم بەڵام دەتوانین لە سەر ئوسولی سیاسەتی کرداری لەدوو بوواری شەڕو ئاشتیدا لە کەناڵێک پێکەوە دیبەیتێک پێک بێنین کە بزانی یاساکانی دژە سیخوڕی لە سیاسەتی ڕاگەیاندندا چۆنە و چۆن دەکرێ ڕاهێنان بە ئەندامان بکرێ ، دووای هەمو ئەمانە زۆر بەڕێزەوە دواتان لێ دەکەم سەردانی بەرەکانی شەڕ بکەن و دواتر ڕای خۆتان لەمبارەوە دەربڕن ،، هیوادارم سنوری ڕێزم نەبەزاندبێ .
سەرەڕای ئەوەش بۆ زانیاری بەڕێزیان و بۆ ئاگاداری جەماوەری کوردستان ڕادەگەێنم pak وەک پارەی مانگانەی پێشمەرگە تا ئێستا هیچ یارمەتیەکی لە وەزارەتی پێشمەرگەو حکومەتی هەرێمی کوردستان وەرنەگرتووە و ئەگەر بەڵگەیەک لەبەردەستە بێمنەت بە ، دەنا؟فەرمایشتی جەنابت بێسەرو بەرەیی کاربەدەستانی هەرێم و وەزارەتی پێشمەرگە دەگەێنێ و دەتواندرێ داوای یاساییت لەسەر تۆماربکرێت ، دوواتریش بەشداری لە شاجەنگی دژبە تاریکپەرستانی داعش کە شەڕە لە پێناو کەرامەتی مرۆڤایەتی ڕێبازی سەرەکی و پێداگری کوردستانی بوون و باوەڕ بۆ دامەزراندنی دەوڵەتی کوردستان و سڕینەوەی سنورە دەستکردەکانی دوژمنانی نەتەوەیی کوردە کە بە داخەوە ئێستا جەنابت ڕاستەوخۆ یان وەک هەڵخەڵەتاو یان لە پێناو پارەدا دژبەو باوەڕەو لە خزمەت پیلانی ئەواندا دەجوڵێیەوە ، هیوادارم وەک پێشتر ئاماژەم پێدا بتوانی سەردانی سەنگەرەکانی خۆڕاگری و هەڵمەتی شێرەکوڕان و کچانی تەوار ئاسای پارتی ئازادیی کوردستان بکەی و ڕاستیەکان ببنە هەوێنی برایەتی و کوردایەتی .
شەماڵ بۆکانی 6نوڤامبەری 2016
16 ی خەزەڵوەری 2716 کوردی