بەشی زۆری راوێژکارەکانی دۆناڵد تڕامپ لەو کەسانە پێک دێن کە نزیکی جۆرج بۆشی کور بون
دوای سەرکەوتنی ترامپ لە هەڵبژاردنەکانی سەرۆکایەتی ئەمەریکا، دوو لەگەرمترین ئەو بابەتانەی کە ئێستا لەناوەندە سیاسی و میدیاجیهانیەکان باسیان لێوە دەکرێ بریتین لە چارەنوسی رێکەوتنە ناوەکیەکەی نێوان ئەمەریکا و ئێران، هەروەها کێن ئەوانەی کە پاڵێوراون بۆ وەرگرتنی پۆستی وەزارەتی دەرەوەی ئەمەریکا .
بەشی زۆری راوێژکارەکانی دۆناڵد تڕامپ لەو کەسانە پێک دێن کە نزیکی جۆرج بۆشی کور بون ، هەروەها هەندێکیان بریتین لەو عەرەبە مەسیحیە بەڕەچەلەک لوبنانیانە کە دژایەتی زۆریان بۆ حزب اللە هەبووە .
میدیاکان لەسەر زاری یەکێک لە راوێژکارەکان ئەوەیان ئاشکرا کردوە کە ئەوان لەگەڵ رێککەوتنە ناوەکیەکە نین بەو شێوازەی ئێستا و دەبێ دەستکاری بکرێ .
لەلایەکی تر ناوی سێ کەسایەتی بۆ وەرگرتنی پۆستی وەزارەتی دەرەوە وەک پاڵێوراو ناویاندێت کە بریتین لە :
جۆن بۆڵتۆن / باڵوێزی پێشوی ئەمەریکا لە نەتەوە یەکگرتوەکان .
نیوت گینگریتش / سەرۆکی ئەنجومەنی نوێنەرانی پێشوو .
بۆب کروکر / سەرۆکی لێژنەی پەیوەندیەکانی دەرەوەی ئەنجومەنی پیران .
هەرسێ پاڵێوراو بەوە ناسراون کە هەڵوێستیان بەرامبەر ئێران زۆرتوندە و دژی رێککەوتنە ناوەکیەکەی نێوان ئێران و ئەمریکان .