PAZADIK: کاتژمێر 13:00 رۆژی یەکشەممە 1 گوڵانی 2713 (21 ئاوریلی 2013)، شاندێکی کۆمەڵەی زەحمەتکێشانی کوردستان پێکهاتوو لە بەڕێزان کەیوان سنائیی  جێگری کۆمیتەی ناوەندی و بەرپرسی پێوەندییەکانی هولەند و جوانمێر مارابی بەرپرسی تەشکیلاتی کۆمەڵە لە هولەند، سەردانی نوێنەرایەتی ئوروپای پارتی ئازادیی کوردستانیان لە هولەند کرد.

شاندی میوان لە لایان شاندێکی پارتی ئازادیی کوردستان، پێکهاتوو لە هەڤاڵان ئەفشار ئەقدەسی ئەندامی کۆمیتەی ناوەندی و بەرپرسی نوێنەرایەتی ئوروپا، چیمەن نەقشبەندی ئەندامی مەجلیسی گشتی و بەرپرسی کۆمیتەی رێکخستنی هولەند، عابدین کازمی، رێبوار بابامیری و نێچیرڤان ئەقدەسی ئەندامانی نوێنەرایەتی ئوروپای پارتی ئازادیی کوردستانەوە، پێشوازیی کرا.

لە دیدارێکی دۆستانەدا، باس لە بارودۆخی کوردستان بەگشتی و ناوچەکە بە تایبەتی کرا. تەوەرێکی دیکەی باسەکان تایبەت بوو بە کار و چالاکییەکانی پارت و لایەنە کوردستانییەکان بەگشتی و لایەنەکانی رۆژهەڵاتی کوردستان بەتایبەتی و پێ لەسەر زەروورەتی هاوکاریی زیاتری نێوانیان لە دەرەوەی وڵات داگیرایەوە.

لە کۆتایی دیدارەکەدا هەردوولا، پێیان لەسەر هاوکاریی نێوان PAK و کۆمەڵەی زەحمەتکێشانی کوردستان، لە وڵاتی هولەند داگرتەوە.

پارتی ئازادیی کوردستان

نوێنەرایەتی ئوروپا

3 گوڵانی 2713

23 ئاوریلی 2013