PAZADIK:کاتژمێر 16:30 دەقیقەی رۆژی یەکشەممە 8 گوڵانی 2713 (28 ئاوریلی 2013)، شاندێکی یەکێتی نەتەوەیی دیمۆکراتی کوردستان، کە پێکهاتبوو لە بەڕێزان شاخەوان خالید کارگێڕی مەکتەبی سیاسیی، عەبدوڵڵا عەدۆ و خالید مەحمود ئەندامانی مەکتەبی سیاسی و فاخیر نانەکەلی کارگێڕی مەکتەبی پێوەندییەکانی YNDK، سەردانی پارتی ئازادیی کوردستانی کرد و لە هەڤاڵان شەماڵ پیران کۆردیناتۆری کۆمیتەی ناوەندیی، رزگار عەباسزادە، عەبدوڵڵا نەسیری و فەریبورز کرماشانی ئەندامانی مەجلیسی گشتیی PAK، پێشوازیی کرا.

لە دیدارەکە کۆمەڵیک بابەت و پرسی پێوەندیدار بە ئاڵوگۆرەکانی ناوچەکە و هەلومەرجی سیاسی هەرچوارپارچە و بارودۆخی بزووتنەوەی رزگاریخوازیی کوردستان و هەروەها هەڵبژاردنەکانی خولی یازدەیەمی سەرکۆماری لە ئێران ئاڵوگۆڕی بیروڕایان لەسەر کرا.

لە تەوەرێکی دیکەی دانیشتنەکەدا شاندیی هەر دوولا، وێرای پێداگرتنەوە لە پەرەپێدانی پێوەندیی نێوانیان، باسیان لە پێویستی هاوکاریی نێوان هێزە سیاسییەکانی کوردستان و یەکگوتاریی کورد لە پرسی بەدەوڵەتبوون و مافی دیاریکردنی چارەنووسی سیاسیی بۆ نەتەوەکەمان کرد.

پارتی ئازادیی کوردستان

کۆمیتەی راگەیاندن

9 گوڵانی 2713

29 ئاوریلی 2013