دیدار و وتووێژی نێوان سەرۆکایەتی PAK و KCK
18/8/2013
PAZADIK: بەمەبەستی تازەکردنەوەی دیدار و بەهێزکردنی پێوەندییەکانی نێوان پارتی ئازادیی کوردستان PAK و کۆما جڤاکێن کوردستان KCK و وتووێژ و ڕا گۆڕینەوە لەسەر چەند پرسێکی هەنووکەیی، کاتژمێر 11:20 دەقیقەی رۆژی شەممە 26 گەلاوێژی 2713 (17 ئووتی 2013)، بەڕێز حسەین یەزدانپەنا جێگری سەرۆکی پارتی ئازادیی کوردستان، لە قەندیل لە لایان بەڕێز جەمیل بایک هاوسەرۆکی کۆنسەی بەڕێوەبەریی کۆما جڤاکێن کوردستان،بەگەرمیی پێشوازیی لێکرا. لەم دیدارەدا، لە کەشێکی دۆستانەدا، چەند پرسێکی جێی بایەخی هەردوولا بە تێر و تەسەلی وتووێژیان لەسەر کرا. لە کۆتایی کۆبوونەوەکەدا، بەڕێز جەمیل بایک سڵاوی تایبەتی بۆ بەڕێز عەلی قازی محەمەد سەرۆکی پارتی ئازادیی کوردستان نارد و ئەوی بە یادگاری پێشەوا قازی محەمەد ناوبرد و رێزگرتن و خۆشویستنی بە ئەرکی هەموو کوردستانیان دانا و ئارەزووی خۆی بۆ دیداری دەربڕی. لەم چاوپێکەوتنەدا لە لایەنی پارتی ئازادیی کوردستان هەڤاڵان شەماڵ پیران کۆردیناتۆری کۆمیتەی ناوەندی و رزگار عەباسزادە ئەندامی مەجلیسی گشتی و بەرپرسی پێوەندییەکان و لە لایەنی KCK ەوە بەڕێز ئەحمەد دەنیز ئەندامی کۆمیتەی پێوەندییەکانی KCK، ئامادەبوون.
پارتی ئازادیی کوردستان کۆمیتەی راگەیاندن 27 گەلاوێژی 2713 18 ئووتی 2013
|