دیدار و کۆبوونەوەی نێوان سەرکردایەتی پارتی ئازادیی کوردستان و کۆمەڵەی زەحمەتکێشانی کوردستان
10/12/2013
کاتژمێر 11:30ی ئەمڕۆ سێشەممە 19 سەرماوەزی 2713 (10 دیسامبری 2013) بەڕیز حسه‌ین یه‌زدانپه‌نا، جێگری سه‌رۆکی پارتی ئازادیی کوردستان، به یاوەری ژماره‌یه‌ک له ئه‌ندامانی سه‌رکردایه‌تی PAK، سەردانی بارەگای ناوەندی کۆمەڵەی زەحمەتکێشانی کوردستانی کرد و لە لایان بەڕیز عومەر ئیلخانیزادە سکرتێری گشتیی کۆمەڵەی زەحمەتکێشانی کوردستان و شاندێکی هاوڕێی پیشوازی لێکرا.
له‌م دیداره‌دا، وێڕای ئاڵوگۆڕی بیروڕا له‌سه‌ر گۆڕانکارییە ناوچەییەکان و ئاکامەکانی هەڵبژاردنی سەرکۆماری لە ئێران و رێکەوتنی 5+1 لە گەڵ ئێران لەسەر پرسی ئەتۆمی و رووداوەکانی پێوەندیدار بە کورد، کۆمه‌ڵێک پرس و بابه‌تی جێی بایه‌خی پارتی ئازادیی کوردستان و کۆمەڵەی زەحمەتکێشانی کوردستان، تاوتوێ کران. له ئاکامی لێکدانه‌وه و وتووێژه‌کاندا هه‌ردوولا پێیان له‌سه‌ر ئه‌وه داگرته‌وه که، که‌ڵکوه‌رگرتنی کورد له هه‌ر ده‌رفه‌تێکی سیاسی هه‌رێمی و نێوخۆییدا، به‌نده به هه‌بوونی یه‌کێتی ریزه‌کانی نه‌ته‌وه‌که‌مان که له ته‌بایی و یه‌کگرتوویی نێوان هێزه سیاسییه‌کانی دا ده‌بینرێته‌وه.
هه‌ربۆیه هه‌ردوولا ده‌رچوون له پڕش و بڵاویی هێزه سیاسییه‌کانی رۆژهه‌ڵاتی کوردستان و هه‌نگاو هه‌ڵگرتنه‌وه بۆ قۆناخێک که هاوکاریی و یه‌کێتی لێبکه‌وێته‌وه، به پێویستیه‌کی گرینگ دانا. کۆبوونه‌وه و وتووێژه‌کانی نێوان هه‌ر دوولا له که‌شوهه‌وایه‌کی دۆستانه‌دا کۆتایی پێهات و هه‌ردوولا پێیان له‌سه‌ر به‌هێزکردنی پێوه‌ندیی نێوانیان داگرته‌وه.
پارتی ئازادیی کوردستان کۆمیتەی راگەیاندن
19 سەرماوەزی 2713
(10 دیسامبری 2013)
|
|
|
|
| کۆمه‌ڵایه‌تی |
- ژنان
- منداڵان
- قوتابیان و لاوان
- ژینگه
|
| زۆرترین خوێنراو |
- 24 کاتژمێر
- هه‌فته‌یه‌ک
- مانگێک
|
|