PAZADIK: کاتژمێر 15:00 رۆژی دووشەممە 5 رەشەمەی 2713 (24 فێورییەی 2014)، هەڤاڵ رزگار عەباسزادە ئەندامی مەجلیسی گشتی و بەرپرسی پێوەندییەکانی پارتی ئازادیی کوردستان PAK، پێشوازییکرد لە بەڕێز فەرحان ئامێرا بەرپرسی پێوەندییەکانی کۆما جڤاکێن کوردستان KCK لە هەرێمی کوردستان.

لە دیدارێکی دۆستانە چەند تەوەرێکی جێی بایەخی هەردوولا خرانە بەرباس کە بریتی بوون لە باسکردن لە کوردستان بەگشتیی کە تێیدا بارودۆخی ئێستای رۆژاوای کوردستان،  رۆژهەڵاتی کوردستان پاش هاتنەسەرکاری حەسەن رووحانی، هەڵبژاردنی شارەوانییەکان لە باکووری کوردستان و کۆنگرەی نەتەوەیی کورد، ئاڵووگۆڕی بیروڕایان لەسەرکرا.

لە کۆتایی دیدارەکە، هەردوولا پارتی ئازادیی کوردستان و کۆما جڤاکێن کوردستان، پێیان لەسەر پتەوکردنی پێوەندیی نێوانیان داگرتەوە.

پارتی ئازادیی کوردستان

کۆمیتەی راگەیاندن

6 رەشەمەی 2713

25 فێورییەی 2014