دیداری نێوان شاندی کۆما جڤاکێ کوردستان و پارتی ئازادیی کوردستان لە هەولێر
25/12/2014
pazadik:دیداری نێوان شاندی کۆما جڤاکێ کوردستان و پارتی ئازادیی کوردستان لە هەولێر لە میانەی چاوپێکەوتنە سیاسیەکاندا کە پارتی ئازادیی کوردستان بەڕۆڵێکی سەرەکی دەبینێو باوەڕی بە لێک تێگەیشتنی هەرچی زیاتری خەباتکارانی هەر چووار پارچەی کوردستانە بۆ دروست بوونی دەوڵەتی کوردی و ڕزگار بوون لە ستەمی نەتەوایەتی ، هەمیشەو ئێستاش کە ماوەی پێنج مانگە لە بەرەکانی شەری دژ بە تیرۆریزمی نێودوڵەتیە ئامادەیی خۆی دەر بڕیوەو باوەشی کراوەی دۆستایەتیە ، کە لەم بابەتەدا ، کاتژمێر ٢ پاشنیوەرۆی رۆژی دووشەممە، ٢ بەفرانباری ٢٧١٤، بەرانبەر بە ٢٢ دێسامبری ٢٠١٤، شاندێکی کۆما جڤاکێ کوردستان، کە پێک هاتبوو لە بەرێزان فەرهان ئەمارا، جەماڵ ئەرداڵ،بووشرا عەلی سەردانی بارەگای پارتی ئازادیی کوردستانیان لە هەولێر کرد و لە لایەن شاندێکی پارتیەوە(پاک)کە پێکهاتبوو لە هەڤاڵان شەماڵ پیران کوردیناتوری کۆمیتەی ناوەندی ( پاک ) ورزگار عەباسزادە ئەندامی مەجلیسی گشتی بە گەرمی پێشوازیان لێکراو. لە دیدارەکەدا شاندی میوان وێرای باس لە هەلومەرجی نوێی کوردستان و ناوچەکە و جیهان، پرس و بابەتەکانی پیوەندیدار بە زەرورەتی پێکهاتنی کۆنگرەی نەتەوەیی لە بارودۆخی ئێستادا خستە بەر باس و ئامادەیی خۆیان لەو پیوەندییەدا دەربری. شاندیی پارتی ئازادیی کوردستانیش وێرای لێکدانەوەیەکی گشتی لە سەر دۆخی ناوچەکە و کوردستان بە تایبەتی و دەرفەت و مەترسییەکانی سەر بزووتنەوەی رزگاریخوازی کوردستان ، ئامادەیی و پشگیری خۆیان لە هەر هەنگاوێک بۆ بەڕێوەچوونی کۆنگرەی نەتەوەیی دەربڕی. لە بەشێکی دیکە لە قسە و باسەکاندا شاندی هەر دوولا پێیان لەسەر درێژەدانی پێوەندی نێوانیان داگرتەوە،و ئاواتەخوازی وەدی هاتنی ڕەنجی چەندین ساڵەی گەلی کورد بوون لە هەر چووار پارچەی کوردستان ، لە کۆتاییدا شاندی میوان لە لایەن بەرێزانی ناوبراوی پارتی ئازادیی کوردستان بە رێزی تایبەتەوە بەرێ کران . کۆمیتەی ڕاگەیاندنی پارتی ئازادیی کوردستان
|