PAZADIK: پاش تێپەڕکردنی 23 ساڵ لە تەمەنی لە زیندان، عوسمان مستەفاپوور زیندانیی سیاسیی کورد، لە مرەخەسیی بێبەشکراوە.

مستەفاپوور کە بە تۆمەتی ئەندامەتیی لە لایەنێکی بەرهەڵستکاری تاران، لە ساڵی 1370 ەوە لە زیندانی ورمێ بەندکراوە، پێشتر حوکمی ئێعدامی بەسەردا سەپێنرابوو و پاش دادگاییکردنەوەی بە 25 ساڵ زیندان حوکمدرا و ماوەی 23 ساڵە لە زیندانە و یەک رۆژیش مرەخەسیی نەدراوەتێ و لەم مافە سەرەتاییەی بێبەشکراوە.

لە ماوەی ئەم 23 ساڵەدا، بنەماڵەی مستەفاپوور، حەولێکی زرۆیان بۆ ئازادکردنی بە زەمانەت یان وەرگرتنی مرەخەسیی بۆ چەند رۆژێک و گەڕانەوەی بۆ نێو بنەماڵەکەی، داوە، بەڵام حەولەکانیان بێ ئاکام بووە و مانەوەی بەردەوامی لە زینداندا کاریگەریی خراپی لەسەر تەندروستیی داناوە بەشێوەیەک کە تووشی نەخۆشیی بووە.