بەپێی هەواڵی تایبەت بە ماڵپەڕی PAZADIK لە ورمێ، کاتژمێر 24:00 شەوی سێشەممە لەسەر چوارشەممە 27 و 28 جۆزەردانی 2714، شەش کەسی دیکە لە زیندانی ناوەندیی ورمێ لە سێدارە دراون.

ناسنامەی ئێعدامکراوەکان کە دەست ماڵپەڕی PAZADIK کەوتووە و چوار کەسیان کوردن و دووکەسیان تورکە، بریتین فەرامەرز پاشایی، عەبدولوەهاب دلێر، پەرویز نیک خووی خەڵکی ورمێ، عەبدولکەریم هەرگولی خەڵکی سەڵماس، رەشید مورادی تورکی نەغەدە و نەقدعەلی رەجایی تورکی ورمێ.

بەپێی گوتەی سەرچاوەیەکی، چوار هاووڵاتییە کوردەکە بە تۆمەتی سیاسیی حوکمی ئێعدامیان بەسەردا سەپێنراوە، بەڵام دوواتر فایلەکانیان گۆڕاوە و بەشی جێبەجێکردنی حوکمەکان رایگەیاندووە کە ئەم کەسانە بە تۆمەتی کوشتنی بە ئەنقەست لەسێدارەدراون.