PAZADIK: خوێندکارێکی کوردی خەڵکی سنە بەناوی میعاد ئەحمەدی بەهۆی چالاکیی لە فەیسبووک حوکمی 5 ساڵ زیندانی هەڵپەسێردراو و پێنج ملوێن تمەن سزای نەخدیی بەسەردا سەپا.

بەپێی هەواڵی هرانا، میعاد ئەحمەدی خوێندکاری بەشی مێعماریی زانکۆی ئازادی سنە لە رێکەتی 20 گوڵانی ئەمساڵ لە لایان هێزە ئەمنییەکانەوە قۆڵبەست و پاشان رەوانەی ئیدارەی ئیتلاعاتی سنە کراوە و دوای تێپەڕاندنی مانگێک رەوانەی زیندانی ناوەندیی سنە کرا.

لە کۆتاییدا ئەحمەدی بە دانانی بارمتە و بەشێوەیەکی کاتیی لە زیندانی ئازاد کرا.

میعاد ئەحمەدی رۆژی یەکشەممە 15 پووشپەڕ، حوکمی مەحکومکرانەکەی وەرگرتووە لە بەشی جێبەجێکردنی حوکمەکانی لقی 4 چواری دادگای شۆڕش کە تێیدا بەتۆمەتی هاوکاریی لەگەڵ لایەنە کوردییەکان، بێحورمەتیی بە دامەزرێنەری کۆماری ئیسلامی و حەولدان دژی نیزامی کۆماری ئیسلامی بە 5 ساڵ زیندانی هەڵپەسێردراو و 5 ملوێن تمەن سزای نەخدی، مەحکومکراوە.