PAZADIK: رێکخراوی لێبوردنی نێودەوڵەتیی سەبارەت بە ئەگەری لەسێدارەدانی رەسوك حولومی لە نەتەوەی عەرەبی ژێردەستی ئێران، مەحکومێک کە لە تەمەنی 17 ساڵیدا تووشی کوشتن بووە و ئێستا تەمەنی 22 ساڵە، هۆشداریی داوە.

بە گوتەی لێبوردنی نێودەوڵەتی حولومی لە مانگی رەزبەری سێ ساڵ پێش لە دادگای تاوانەکانی پارێزگای خوزستان بە تۆمەتی کوشتنی لاوێکی هاوڕێی حوکمی ئێعدامی بەسەردا سەپا و حوکمەکەشی ئێستا رەوانەی ئیدارەی جێبەجێکردنی حوکمەکانی ئەهواز کراوە و مەترسیی لەسێدارەدانی لە هەر کاتێکدا لەسەرە.

لێبوردنی نێودەوڵەتیی داوای لە دەزگای هێزی دادوەریی ئێران کردووە بە راگرتنی حوکمەکەی و چاوخشانەوە بە فایلی ناوبرادودا بکرێ و رێگەی پێبدرێ پارێزەر بگرێ و سەرجەم قۆناخەکانی دادوەریی بۆ وڵا بکرێ و ئەوەشی بیر ئێران خستووەتە کە ئەو وڵاتە واژۆکەری پەسندکراوی مافی منداڵانە کە ئێعدامی ئەو مەحکومانەی کە لەژێر تەمەنی 18 ساڵیدا تووشی تاوان دەبن، قەدەغە کردووە.