ئێعدامی بەکۆمەڵ لە قزڵحەسار
18/8/2014
PAZADIK: رۆژی یەکشەممە لانیکەم 10 کەس لە زیندانی قزڵحەساری کەرەج بە یەکەوە لەسێدارە دراون. بەپێی هەواڵی هرانا، رۆژی یەکشەممە پتر لە 14 کەس لە زیندانیانی یەکەکانی 1 و 2 زیندانی قزڵحەساری کەرەج بۆ جێبەجێکردنی حوکمەکانیان بۆ شوێنی جێبەجێکردنی حوکمەکان گوێزرانەوە، بەڵام لەگەڵ ئەوەدا کە شوێنی جێبەجێکردنی حوکمی ئێعدامەکان تەنیا توانای 11 کەسی هەیە، چۆناوچۆن ئەوانی دیکەیان لەسێدارە داوە یان چەند کەس لەسێدارە دراون. تا ئێستا هیچ زانیارییەک سەبارەت بە ناو و چۆنیەتی ئێعدامی ئەم کەسانە لەبەردەستدا نییە، بەڵام حەولدان بۆ جێبەجێکردنی حوکمەکانی ئێعدامی رۆژی یەکشەممە، بووە هۆی هەستانی زیندانییەکانی ئەو زیندانە و هەروەها بنەماڵەکانی ئەو زیندانییانە لە دەرەوەی زیندان. ئەم ناڕەزایەتی دەربڕینانە بووەتە هۆی کوژران و بریندار بوونی چەند زیندانییەک، کە تا ئێستا ژمارەیان دیار نییە.
|