به‌په‌له.. پێشمه‌رگه زیاتر له سه‌د داعشی كوشت
30/9/2015
pazadik:
كه‌ركووك لە ھێرشەکەی ئەمڕۆی ھێزی پێشمەرگە بۆ سەر تیرۆریستانی داعش ٢٨ کم چوارگۆشە لە داعش پاکەوە کرا و زیاتر لە ١٠٠ تیرۆریستیش کوژراون.
(حوسێن یەزدانپەنا) فەرماندەی ھێزەکانی پارتی ئازادی کوردستان بە ماڵپەڕی فەرمیی پارتیی دیموکراتی کوردستانی ڕاگەیاند: "سەعات پێنجی بەیانی ئەمڕۆ ھێزی پێشمەرگە دەستیان کردە ھێرش لە چەند قۆڵێکەوە بۆ سەر تیرۆرستانی داعش؛ سەرەڕای ئەوەی داعش مینێکی زۆریان دانابووەوە و خۆشیان لە دوای مینەکانەوە بەرگرییان دەکرد توانیمان بە لێزانانە پێشڕەوی بکەین و گوبەیبە بگرینەوە کە سەربازگەیەکی گەورەی داعش بووە لە ناوچەکەدا."
(حوسێن یەزدانپەنا) گوتیشی، توانراوە ٢٨ کم چوارگۆشە لە داعش پاکەوە بکرێت و ئەو پلانەی دانرابوو جێبەجێ کراوە و، تەنها مەنسووریە ماوە و ئێستا بەشێکی کەمی داعشی تێدا ماوە و بەرگری دەکەن و، لە ماویەکی نزیکدا ئەوەش ئازاد دەکرێت و کۆتایی پێدێت.
ڕوونیشی کردەوە، ئێستا ھیچ مەترسیەک لەسەر کەرکووک نەماوە و ھێزی پێشمەرگە بیست کیلۆمەترێک لە حەویجە نزیک بوونەتەوە. (یەزدانپەنا) ئەوەشی خستە ڕوو، لەو ھێرشەی ئەمڕۆ زیاتر لە ١٠٠ تیرۆریستی داعش بە تۆپخانەی ھێزی پێشمەرگە و، بۆمبی فڕۆکە جەنگیەکان کوژراون.
|