هەوڵی داوە بۆ پیرۆزبایی سەردانی بکات
سەرۆکی ئەمریکا داوای سەرکردەیەکی باڵای عێراقی رەت دەکاتەوە، کە داوای دیداری کردبوو بۆ پیرۆزبایی لێکردن.
بەپێی هەواڵێکی ماڵپەڕە(عەرەبییە)، حەیدەر عەبادی، سەرۆک وەزیرانی عێراق هەوڵی کەمکردنەوەی ناکۆکییەکانی لەگەڵ ئیدارەی نوێی ئەمریکا بە سەرۆکایەتیی دۆناڵد ترەمپ دەدات و داوای دیدارێکی سەرۆکی ئەمریکای کردبوو بۆ پیرۆزبایی بوون بە سەرۆک.
هەروەک ئەو ماڵپەڕە بڵاوی کردووەتەوە، دۆگلاس سلێمان، باڵیۆزی ئەمریکا لە عێراق بە حەیدەر عەبادی راگەیاندووە، کە دۆناڵد ترەمپ رەتی کردووەتەوە پێشوازی لێ بکات.
رەتکردنەوەی پێشوازیکردن لە سەرۆک وەزیرانی عێراق لەکاتێک دایە، کە چەند رۆژێک پێش ئێستا دۆناڵد ترەمپ رایگەیاند، ئەمریکا سێ تریلیۆن دۆلاری لە عێراقدا خەرج کرد و ئێستاش ئێران دەستی بەسەردا گرتووە.
پێشتر لە ڕۆژی 2\4\2017 ئەوەی ئاشکرا کرد کە کۆشکی سپیی ئەمریکا سەردانێکی حەیدەر عەبادی، سەرۆک وەزیرانی عێراقی بۆ ئەمریکا ڕەت کردووەتەوە کە ویستوویەتی لەو سەردانەدا دیدار لەگەڵ ترەمپ ئەنجام بدات.