نەورۆز لە کۆڵن پیرۆزکرا
28/3/2017
کۆمیتەی هاوکاریی هێزە کوردستانییەکان لە ئاڵمان، بەبۆنەی سەری ساڵی نوێی کوردی و جەژنی نەتەوەیی نەورۆز، رۆژی یەکشەممە 25 مارسی 2017، لە شاری کۆڵنی وڵاتی ئاڵمان، رێورەسمێکی رێکخست. رێورەسمەکە بە ئامادەبوونی ژمارەیەکی بەرچاو لە کوردانی هەر چوارپارچەی کوردستان و سروودی نەتەوەیی ئەی رەقیب و دەقیقەیەک بێدەنگی بۆ بەرزراگرتنی یادی شەهیدانی کوردستانی گەورە دەستیپێکرد. پاشان پەیامی کۆمیتەی هاوکاریی هێزە کوردستانییەکان بە هەر دوو زارەوەی سۆرانی و کرمانجی و دواتر بە زمانی ئاڵمانی پێشکەش کرا. رێورەسمەکە بە شایی و دیلان تا درەنگانی شەو درێژەی هەبوو. شایانی باسە ئەندامانی پارتی ئازادیی کوردستان لە شاری کۆڵن چالاکانە بەشدارییان لە رێورەسمەکەدا کرد. پارتی ئازادیی کوردستان کۆمیتەی رێکخستنی ئاڵمان 7 خاکەلێوەی 2717 27 مارسی 2017 Parti Azadi Kurdistan COMMITTEE deutschland TEL:004922116825149 Mobil: 00491638340509 www.pazadik.org www.pak-eu.comhttps://www.facebook.com/pakeucom/?ref=hln
|