بەڕێوەچوونی کۆبوونەوەی کۆمیتەی بێرلینی PAK
19/4/2017
رۆژی شەممە 26 خاکەلێوەی 2717 (15.4.2017)، لە شاری بێرلینی وڵاتی ئاڵمان، کۆبوونەوەی کۆمیتەی بێرلینی پارتی ئازادیی کوردستان بەڕێوەچوو. کۆبوونەوەکە بە دەقیقەیەک بیدەنگی بۆ بەرزڕاگرتنی یادی شەهیدانی کوردستانی گەورە دەستیپێکرد. پاشان هەڤاڵ ئازیتا شەرەفکەندی بەرپرسی کۆمیتەی بێرلین، وتارێکی سەبارەت بە بارودۆخی کورد و رۆژهەڵاتی ناوەراست و کاروچالاکییەکانی کۆمیتەی بێرلین پێشکەش کرد. دوواتر هەڤاڵ بیژەن زیبایی ئه‌ندامی مه‌جلیسی گشتی و بەرپرسی کۆمیتەی رێکخستنی ئاڵمانی پارتی ئازادیی کوردستان کە لەسەر داوای هەڤاڵانی بێرلین ئامادەی کۆبوونەوەکە بوو، چەند وتەیەکی لەمەڕ گەشەی و پێگەی پارتی ئازادیی کوردستان بەتایبەت لە هاوپەیمانێتی نێودەوڵەتی دژی تێرۆر، هەڵکردنی ئاڵای کوردستان لە رۆژهەڵات لە نەورۆز بە دووای بانگەوازی نەورۆزیی PAK و گرینگیی راگەیاندنی دەوڵەتی کوردیی لە باشوور، پێشکەش کرد. هەروەها چەند پێشنیار و رێنماییەکی ئاڕاستەی کۆمیتەی بێرلین کرد. پاشان هەر یەک لە هەڤاڵانی بەشدار له کۆبوونەوەکە ڕا و سەرنجی خۆیان خستەڕوو. پارتی ئازادیی کوردستان کۆمیتەی رێکخستنی ئاڵمان 26 خاکەلێوەی2717 16ی ئاوریلی2017 Parti Azadi Kurdistan COMMITTEE deutschland TEL:004922116825149 Mobil: 00491638340509 www.pazadik.org www.pak-eu.comhttps://www.facebook.com/pakeucom/?ref=hln
|